Hat ragihandin li Mêrdînê êrîşa çekdarî li kesên di nava wesayîta ku di ronahîyan de sekinîbûn hat kirin, di encama êrîşa ku hat kirin de kesek jiyana xwe ji dest da û 3 kes jî birîndar bûn.
Bûyer di ronahîyên li ber avahîya Walîtîyê ya li Artukluya Mêrdînê pêk hat. Li gorî agahîyên ku hatine wergirtin berî niha di navbera du malbatan ji ber sedemeke ku hêj nayê zanîn hisûmet derket. Çend kes ji malbatekê êrîşa çekdarî birin li ser endamên malbatên din.
Di encama êrîşa çekdarî ya ku hat kirin de yek jê giran tevde 4 kes birîndar bûn. Kesên birîndar hatin rakirin nexweşxanê. Digel temamê midaxeleyan kesê ku giran birîndar bûbû jiyana xwe ji dest da.
2 êrîşkar ji teref polêsan ve hatin girtin û lêpirsîna derbarê êrîşê de berdewam dike.
ÎLKHA