Hat ragihandin li herêmên Wezîrîstana Bakur û Belûcîstana Pakistanê di rojekê de 2 êrîşên bombeyî li mîtîngên hilbijartinê hat kirin.
Di encama êrîşên ku li Belûcîstanê hat kirin de 128 kesan jiyana xwe ji dest dan û 200 kes jî birîndar bûn. Hat ragihandin di nav wan kesên ku jiyana xwe ji dest dane de Navabzade Sîraj Raîsanîyê namzedê parlementerîyê jî heye.
Her wisa hat diyarkirin li Wezîrîstana Bakur dema ku Akra Khan Durranîyê namzedê parlementerîyê yê ku ji mîtîngê vedigerîya êrîşa bombeyî li konvoya wî hat kirin. Di vê êrîşa ku hat kirin de jî 4 kesan jiyana xwe ji dest dan û 32 kes jî birîndar bûn.
ÎLKHA