Li Tehranê konferansa “Jin û Hişyariya Îslamî” ya navnetewî, bi xeberdana Ahmedînecat dest pê kir. Konferans du rojan dewam dike. Ji 80 welatan zêdetirî 1500 lêkolîner, siyasetmedar, aktîvîst, perwerdekar, alim û lîderên hereketan, tevlî konferansê bûn. Serokatiya konferansê Dr. Elî Ekber Welayetiyê şêwirmendê Seyyîd Elî Xamaneyî dike.
Di konferansê de Seîd Celîliyê sekreterê ewlehiya Îranê, heyeteke Tûnûsê qebûl kir û di xeberdana xwe de anî ziman ku hişyariya Îslamî, hêviya herêmê ye ku bi cîh dibe. Seîd Celîlî, peznê mucadela hişyariya rojhilata navîn û Efrîka da.
Ji heyeta Tûnûsê Atîk jî, diyar kir ku inqilaba Îslamiya Îran ji qiyama xelkên herêmê re pêşîvanî kiriye, hişyariya Îslamî jî yekîtiya xelkên musluman xurt kiriye. Ecnebî li hember hişyariya Îslamî ne û dixwazin li welatê muslumana hîle û qomloya pêk bînin. (Ferman Çiyayî/Bangaheq)