Îda ku ji teref Xweda ve wek îkramekî ji Mislimanan re hatiye dayîn li çar alîyê welêt bi coşeke mezin tê pîrozkirin. Welatîyên ku serê şeveqê zû şiyar bûn berê xwe dan mizgeftan û nimêja îdê kirin û dû re di derketina mizgeftê de îda hev pîroz kirin.
Li mizgeftan ji ber îdê xutbe hat dayîn, nimêj hat kirin û îda hev hat pîrozkirin.
Yek ji wan cihên ku lê şahî û coşîya nimêja îdê û pîrzobahîya îdê hebû Mêrdîn e. Li Mêrdînê welatîyên ku serê şeveqê zû ji xewê şiyar bûn digel malbatên xwe berê xwe dan mizgeftên li nêzî malên xwe. Welatîyên ku li Mêrdînê berê xwe dan mizgeftan xutbeya ku ji ber minasebeta Îda Remezanê hat dayîn guhdar kirin û ji bo ummetê destê xwe vekirin û diayan kirin.
ÎLKHA