Xeberan diyar kir ku li Sanaya paytexta Yemenê, kesekî bombe bi xwe ve girêdabû, êrîşî namzetên polîsên akademiyê kir. Bi teqîna bomba wî, bi kêmanî 22 kes hatin kuştin. Bi dehan kes jî birîndar bûn.
Rayedarên Yemenî diyar kirin ku piraniya kesên can dane, şagirtên akademiya polîsan in û gava ji akademiyê vegeriyane, bûne amanca êrîşê. Heta niha tu grûbê, vê êrîşê nedaye ser xwe.
Wekî tê zanîn di meha Gulanê de jî, di êrîşeke di de, 100 kes hatibûn kuştin. Kesên kuştî, leşkerên ordiya Yemenê bûn. El Qaîde êrîşê dabû ser xwe.
Ordiya Yemenê û teyarên Emrîka yên bê însan jî, pir caran êrîşan pêk tînîn. Heta niha bi hînceta terorê, bi sedan sivîl hatine qetil kirin.
(Ferman Çiyayî/Bangaheq)