Ji teref artêşa Venezuelayê ve li dijî teşebûsa darbê ya ku ji teref Amerîka ve hat kirin meşek hat lidarxistin. Serokê Dewleta Venezuelayê Nîcolas Maduro jî beşdarî vê meşê bû û di meşê axavtinek kir.
Maduro di axavtina xwe ya ku kir de bang li raya giştî ya Amerîkayê kir. Maduro destnîşan kir di pey wê darbeya ku hat xwestin bê kirin de birêveberîya Trump heye û dû re wiha li axavtina xwe zêde kir: “ Amerîka çav berdaye nefta Venezuelayê. Şerên Lîbya û Iraq ji vê yekê re mînak in. Ez ji xelkê Amerîka teleb dikim ku leşkerên Amerîka ji Venezuelayê dûr bigirin. Bila Amerîkaya Latîn nebe Vîetnameke nû.”
ÎLKHA