Ji teref Serokatîya Karên Diyanetê ve îsal bi dirûşmeya “Bila Mizgeftên me bi zarokan tije bibin û exlaqê wan bibe Qur’an” qursên Qur’anê hatin destpêkirin.
Li camîyên ku lê qursên Qur’anê hatin vekirin zarok him Qur’ana Kerîm hîn dibin û him jî dersên siyerê, ilmên Îslamî fêr dibin.
Zarokên ku tên camîyê ji ber ku dersa Qur’anê û ilmên Îslamî distînin kêfxwe in. Zarokên ku derbarê mijarê de ji ÎLKHAyê re axivîn hest û ramanên xwe wisa anîn zimên:
Oyku Yagmur Kasirga(8): Ji ber ku ez Qur’ana Kerîm hîn dibin gelek zêde kêfxweş û bextewar im. Em gelek zêde ji camîyê hez dikin. Him Qur’ana Kerîm hîn dibin û him jî dersên ilmên Îslamî distînin. Xoceyên me kirina nimêjê, girtina destnimêjê hînî me dikin.
Berat Bekîn(10): Em di vê betlaneyê de tên camîyê. Em li camîyê tiştên xweş hîn dibin. Em hatin vê derê da ku Xweda û pêxemberê Wî hîn bibin. Em gelek zêde ji camîyê hez dikin.”
Yakup Bekîn(9): Em ê li camîyê Qur’ana Kerîm û jiyana Hz. Muhammed hîn bibin. Em ji hevalên xwe re tewsîye dikim da ku werin camîyê.
Hacîr Şamîlê Iraqî(11): Em li vê derê him Qur’anê hîn dibin û him jî kêfa xwe mêze dikin. Ez gelek zêde ji camîyê hez dikim.
ÎLKHA