Ji xeberên malperên herêma Kurdistanê tê zanîn ku navbera du partiyên siyasî, bi ber başiyê ve diçe.
Tê diyar kirin ku serekwezirê herêma Kurdistanê Nêçîrvan Berzanî, di rojnameya Hewlêrê de bi navê “Pêşeroja têkiliya di navbeyna partiya Demokrasiya Kurdistanê û partiya Yekîtiya Îslamiya Kurdistanê de” meqaleyek nivîsand û weha go:
“Tevî ku dîtin û bernameya me ji hev cûda be, em hemû bi hev re li welatekê dijîn. Divê em li ser menfîetên bilind yên ji bo pêşxistina welatê xwe hevbigrin.”
Li ser vê nivîsê, ji Yekgirto jî cewab hat û vê nivîs teqdîr kir.
Endam û berdevkê polîtburoya partiya Yekîtiya Îslamiya Kurdistan Duqtor Selaheddîn Babekîr, weha diyar kir “Yekgirto vê nivîsê teqdîr dike. Em difikirin ku wê bibe gavek ji bo çareser kirina probleman û em hêvî dikin ku wê gavên pratîk yê din li pey bên.” (Ferman Çiyayî- Bangaheq)