Serokê Giştî yê HUDA PARê Îshak Saglam ji bo hilbijartinên herêmî çû li ser sindoqê û di seat 11.30î de dengê xwe da. Saglam piştî dengdayînê destnîşan kir bila ev hilbijartin bibin wesîleya xêran.
Saglam digel heyeta pê re dengê xwe li Lîseya Anadolî ya Ehmedê Xanî di sindoqa bi nimreya 2166an da. Saglam li cihê dengdayînê silav da wezîfedar û muşahidên sindoqê û qewetbûn ji wan re got ‘qewet ji we re.’
Saglam di berdewama daxuyanîya ku piştî dengdayînê da de wiha diyar kir “ Ez hêvî dikim ev hilbijartin ji bo memleket, welat û herêma me bibe wesîleya xêran. Înşallah ew ê ev dorhêla aram heta dawîyê berdewam bike û em pêvajoyeke bi aram a hilbijartinê li pey xwe bihêlin. Ez ji bo temamê partîyên ku dikevin hilbijartinê serkeftinê dixwazim. Ez dixwazim ku hilbijêr bên li ser sindoqan û ji bo birêveberîya bajarên ku ew lê dijîn dengê xwe bidin.”
Li Tirkîyê îro dê 56 milyon û 911 hezar û 967 hilbijêr ji bo hilbijartinên herêmî biçin li ser sindoqan.
Li bajarên bi navê Semsûr, Agirî, Artvîn, Bîngol, Bidlîs, Diyarbekir, Elezîz, Erzîncan, Erzurum, Entabê, Gîresûn, Gumuşxane, Hekkarî, Qers, Malatya, Mereş, Mêrdîn, Mûş, Ordu, Rîze, Sêrt, Sîwas, Trabzon, Dêrsim, Riha, Wan, Bayburt, Êlih, Şirnex, Ardahan, Idîr û Kîlîsê di seata 07.00an de muameleya dengdayînê dest pê kir û dê di seat 16.00an de bi dawî bibe. Li bajarên din jî dendayîn di seat 09.00an de dest pê kir û ew ê di seat 17.00an de bi dawî bibe.
ÎLKHA