Turk Egîtîm-Sen ji bo ew Sonda Xwendekaran a ku di 8ê Cotmeha sala 2013an de hatibû rakirin dîsa bikeve merîyetê doz li Daniştayê vekir. Di encama doza ku hat vekirin de Daniştay li hev civîya û wê kirarîya ku “Sonda Xwendekaran” pê hatiye rakirin li dijî hiqûqê dît û betal kir.
Ji ber vê qerara betalkirinê ji teref Îshaq Saglamê Serokê Giştî yê HUDA PARê ve derbarê mijarê de nirxandinek hat kirin. Saglam di daxuyanîya ku da de destnîşan kir divê pergaleke ku îdeolojîyê li ser xelkê ferz neke bê anîn.
“Ew qerara Daniştay ne hincet e ku ew sepana nîjadperest bê anîn”
Saglam di berdewama axavtina xwe de diyar kir Daniştay bi qerara ku standiye xwe xistiye şûna meqama îcrayê û gotinek nîjadperest li ser xelkê ferz dike. Saglam dû re wiha li axavtina xwe zêde kir: “Divê AK Partî bala xwe bide hinceta Daniştayê ya betalkirina hukmê û divê demildest qerara xwe ya ‘Sonda Xwendekaran’ têxe bin temînata qanûnê. Di vî warî de çareserîya teqez amadekirina makeqanûneke xwemalî û millî ya ku li gor bawerî, çand û orfa me be ye.”
ÎLKHA