Hat ragihandin li Nizîpa Entabê serwîsa ku karkerên Sûrîyeyî veduguhast qulibî, di encama qezaya ku pêk hat de 17 karker birîndar bûn.
Qeza li ser 8emîn kîlometreya Rêbeja Entab-Nizîbê li nêzî taxa Arilê pêk hat. Li gor agahîyên ku hatine wergirtin mînîbusa bi plaqeya 27 JB 900 a ku navê ajokarê wê nediyar e ji kontrolê derket û qulibî. Di encama qezayê de ajokar jî di nav de tev de 17 kes birîndar bûn.
Kesên birîndar bi ambûlansan hatin rakirin nexweşxanê û derbarê qezayê de lêpirsîn hat destpêkirin.
ÎLKHA