Hat ragihandin li Midyada navçeya Mêrdînê TIR û mîdîbûsek li hev qelibîn, di encama qezaya ku pêk hat de 2 kes jiyana xwe ji dest dan û 11 kes jî birîndar bûn.
Qeza li ser Rêbeja Midyad-Hezexê li mewqîya Kartminê pêk hat.
Li gor agahîyên ku hatine wergirtin TIRa bi plaqeya 76 AN 309 a ku navê ajovanê wê nehat hînbûn û mîdîbûsa ku ajovanê wê Xidir Olcay bû li hev qelibîn. Piştî ku xeber hat dayîn re gelek ambûlans û yekîneyên rizgarîyê û cendirmeyan hatin sewqkirin cihê bûyerê.
Di qezayê de Halîme Karabalik(45) û Rihan Tayfan(70) jiyana xwe ji dest dan û kesên bi navê Hıdır Olcay (30), Mahmut Tayfan (12), Hamza Bagaç (25), Aysu Karabulut (8), Orhan Akin (21), Kadîr Ozmen (32), Hakki Ocak (34) û 4 kesên ku navên wan nehat hînbûn birîndar bûn.
Kesên birîndar hatin rakirin nexweşxanê û derbarê qezayê de lêpirsîn hat destpêkirin.
ÎLKHA