Hat ragihandin li ser rêya Hevrişîma Rihayê TIRa bi plaqeya 73 SD 628 a ku frêna wê teqîya çend wesayîtan da bin xwe. Di encama qezaya ku pêk hat de yek jê giran 5 kes birîndar bûn.
Kesên ku di qezayê de birîndar bûn bi ambûlansan hatin rakirin nexweşxanê.
Mehmet Tanrikuluyê ku ji bûyerê re bûbû şahid derbarê mijarê de wiha got: “ Ez nêzî bûyerê bûm. Çawa ku min bi dengê qezayê bihîst ez çûm cihê bûyerê. Şofêrê wesayîta kesk di wesayîtê de asê mabû. Min û hevalên xwe bi hev re ew derxist. Hinek welatî jî di dema qezayê de weşana zindî dikirin. Mın mudaxeleyî wan kir û wî hevalê ku di wesayîtê de asê mabû derxist. Min dît ku serê wî şikeştiye û destê wî zirar dîtiye. Xweda şifa bide wan kesên ku birîndar bûne.”
Derbarê qezayê de lêpirsîn hat destpêkirin.
ÎLKHA