Yetîm-Dera Ewrûpa ya ku ji roja ku hatiye damezrandin vir ve li çar alîyê cîhanê gihaştiye hawarê bi hezaran kesên feqîr û jar û sêwî û bêkes û ji wan re alîkarîyên cûrbecûr kiriye xebatên xwe yên alîkarîyê bênavber didomîne. Yetîm-Dera Ewrûpa ya ku Sazîya Alîkarîya Însanî ya Navneteweyî ye xebatên xwe yên qurbanê yên sala 2018an li tevahîya dinyayê da destpêkirin.
Arîkarê Serokê Giştî yê Yetîm-Dera Ewrûpa Huseyîn Ateş di daxuyanîya ku da ÎLKHAyê de derbarê mijarê de diyar kir ew projeyên xwe yên qurbanê yên sala 2018an dane destpêkirin da ku li çar alîyên cîhanê kesên şepirze bûne re bibin alîkar.
Hîsseyên qurbanan bo kerwana qencîyê
Ateş di daxuyanîya ku da de di bîran xist ku Qurban di civakê de rûhê biratî, alîkarîkirin û piştevanîyê zindî digire û dû re wiha li axavtina xwe zêde kir: “ Di vê Eyda Qurbanê de wek eydên din bo em ji bi milyonan kesên feqîr û jar ên li çar alîyê cîhanê dijîn re bibin alîkar dest bi xebatan dikin. Hûn jî dikarin qurbanên xwe bexşînin kerwana qencîyê.”
Di hedefa me ji kesên ku li cihên herî dûr ên cîhanê dijîn re gihandina alîkarîyê ye
Ateş di berdewama axavtina xwe de diyar kir bi qurbanên ku dê bi wasitaya Yetîm-Dera Ewrûpa bên serjêkirin dê alîkarî bigihijê kesên mexdûr, mezlûm, yetîm, penaber, koçber û telebeyên li çaw alîyê dinyayê ku em bi vê projeyê hedef dikin ku ji bi milyonan kesan re bibin alîkar. Ateş dû re wiha li axavtina xwe zêde kir: “ Em xebatên xwe yên alîkarîyê pêşanî li herêmên ku lê xela, birçîtî û şer heye dikin. Kampanyaya me pêşî li Tirkîyê, welatên Efrîqayê, Filistîn, Yemen, Arakan û Balkanan tê meşandin.”
Ateş di berdewama axavtina xwe de diyar kir ew ê xebatên wan yên qurbanê pêşî li welatên ku pêdivî lê zêdetir bi alîkarîyê heye bên kirin û ew ê ji bilî alîkarîya qurbanê her wisa alîkarîya cil û bergan jî bê kirin. Ateş dû re wiha dawî li axavtina xwe anî: “Qurban parvekirin e, Qurban bîranîn û di bîran xistin e.”
ÎLKHA