Hat ragihandin encamên ewil ên hilbijartina Serokatîya Şaredarîya Bajêra Mezin ê Stenbolê hatin daxuyandin, li gorî encamên neteqez namzedê CHPê li Ekrem Îmamoglu li pêş e.
Heta niha ji sedî 94ê sindoqan hatin vekirin. Li gorî rayên ku hatine hilbijartin Îmamoglu 4 milyon û 473 hezar û 818 deng û Yildirim jî 3 milyon û 791 hezar û 227 deng stand.
Piştî encamên ewil ji teref Bînalî Yildirimê Namzedê Serokatîya Şaredarîya Bajêra Mezin ê Stenbolê yê AK Partîyê ve daxuyanîyek hat belavkirin. Yildirim di daxuyanîya ku belav kir; li gorî encamên ewil ên hilbijartinê Ekrem Îmamoglu li pêş e, ez wî tebrîk dikim.
ÎLKHA