UNRWA: Li Xezzeyê li serê kîlometreyê 274 kes an mirî, an birîndar an jî winda ne
Ajansa Alîkarîya Penaberên Fîlîstînî yê Neteweyên Yekbûyî, daxuyand ku li Xezzeyê di serê kîlometreyê de 274 însan an dimrin, an birîndar dibin an jî winda dibin.
Di daxuyanîyê de weha hat gotin, “Ji bona ku hûn dixwazin resma trajedî, tirs, endîşe û travmaya ku însanên li Xezzeyê dijîn çêbikin, li derdorê xwe binhêrin gelo ew qas însan heye an jî tineye.”
UNRWA, banga xwe ya ku ji bo sedemên însanî li Xezzeyê agirbestekî bê îlankirin kiribû dubare kir.
Ofîsa Medyaya Hikumeta li Xezzeyê roja Duşema borî diyar kiribû ku artêşa îşxalê li Xezzeyê di nav qirkirina ku 150 roj e li dar dixe de 2 hezar û 675 qetlîaman li dar xistîye.
Di encama wan qetlîaman de heta niha nêzê 31 hezar Fîlîstînî şehîd bûne û herî kêm 7 hezar însan jî hêj winda ne. Li gorî daneyên hikûmetê ji sedî 70 mirovên ku winda bûne jî pîrek û zarok in. (ÎLKHA)
Türkçe karakter kullanılmayan ve büyük harflerle yazılmış yorumlar onaylanmamaktadır.