Platforma evîndarên pêxember, li herêma Serhedê li çend bajaran bernama mewlûdê li dar xistin. Yek ji wan li Wanê li ber kelha dîrokî hate rastkirin. Bi sed hezaran milletê aşiq û evîndarên pêxember, bi cezb û coş û teweccuhek mezin, bi tekbîr û selewatan, bi sencaq û alayên tewhîdê herikîn meydana mewlûdê.

Bernama mewlûdê bi xwendina Quranê dest pê kir. Pey îlahî û xwendina mewlûdê, nivîskar û perwerdekar Yahya Oğraş ji heyata pêxemberê me hinek nimûne pêş kirin. Mela Ebdulbarî Çelîk jî, di xeberdana xwe ya bi Kurmancî de, li ser eşq û pêgirtiya bi sunnet û riya hz Resûlûllah sekinî. Di bernamê de coş û selewat û tekbîr qut nebûn. Hinek aşiqên pêxember, alaya tewhîdê ya mezin bi ser kelha dîrokî ve aliqandin. Millet bi îlahî, merş û helbestên ku ji bo evîna pêxembêrê me hatin hunirandin, zêde coş bûn. Bername bi xwendina Quranê bi dawî bû. bangaheq