Li Ewrûpayê ji welatên cûrecûr nêzî 30 alimên Îslamî li Fransayê civiyan. Van aliman qirar dan ku yekîtiya alimên Îslamî ya Ewrûpayê saz bikin.

Aliman dan zanîn ku wê di pêşiya xizmetên wan de çareserkirina pirsgirêkên muslumanên Ewrûpa hebe. Her wiha ji bo xweşkahiyên Îslamî li Ewrûpayê bê zanîn, ew ê xebatan pêk bînin. Dîsa di nav xizmet û bernameyên wan de çareserkirina pirsgirên muslumanên dinyayê, di warê fiqh û îlm û perwerdehiyê de dayîna fetwa û cewabên pirsgirêkên muslumanan, xisûsen li Ewrûpayê pêkanîna xebatên Îslamî jî hene.

Piştî sempozyûma du rojan, endamên yekîtiyê civiyan. Ji bo yekîtiyê ji Hambûrgê Ebdulqadir Aydin serek, Mucahîd Haksever û Muhammed Dundar jî alîkarên serek hatin hilbijartin. Ew ê merkeza yekîtiyê jî li Elmanyayê be.

Serekê yekîtiyê Ebdulqadir Aydin di xeberdana xwe de da zanîn ku, mesûliyeta muslumanan û xisûsen jî ya aliman heye ku li gorî exlaq û şexsiyeta Îslamî tevbigerin û bijîn. Her wiha alîkarên serekê yekîtiyê jî xeber dan. Beyan kirin ku yekîtiyeke weha hewce ye û ew ê di çarçova Îslamî de ji bo çareserkirina pirsgirêkên muslumanan bixebitin. BANGAHEQ