Di navbera Tirkiye û herêma Kurdistanê de di seha perwerdehiyê de, lihevkirinek saz bû. YOK dîplomeya unîversîteyên herêma Kurdistanê, êdî nas dike. Xwendekarên kurd yên ku li Herêma Kurdistanê dixwînin,  êdî wê karibin bi dîplomeya xwe, li Tirkiyê bi awayekî resmî bixebitin. Saziya Hîndekariya Bilind (YOK), wê dîplomê zanîngehên Herêma Kurdistanê qebûl bike

Bi hezaran xwendekarên kurd, li zanîngehên Herêma Kurdistanê dixwînin. Heta niha dîplomê wan li Tirkiyê nedihat naskirin. Piştî ğeyretên demeke dirêj, Saziya Hîndekariya Bilind (YOK) a Tirkiyê da zanîn ku, êdî ev problem hatiye çareserkirin. Parlamenterê BDPê yê Colemêrgê Adil Kurt ku, di nav van ğeyretan de navbervaniyê dikir, der barê qirara YOKê  de peyivî. Kurt da zanîn ku, demeke dirêj e ku hem bi Wezîrê Karên Derve hem jî bi Wezareta Perwerdehiyê ya Tirkiyê re,  ji bo pirsgirêka di navbera zanîngehên herêma kurdîstanê û Tirkiyê de bê çareserkirin, teşebbusên wan çêbûne. Û di dawî de dê ev çarêser dibe.