Ji welatên cur bi curên cîhanê ji 100 kesan zêdetir alimên îslamê ji bo endam û sempatîzanên Dewleta Îslamî (DAIŞ) nameyeke vekirî nivîsandin.

Alimên îslamê di nameya 18 rûpelî de destnîşan dikin ku, tu pêwenidya DAIŞê bi musilmantî re nîne. Di nameyê de wate û tefsîra gelek ayetên Quranê tên vekirin û bi çalakiyên DAIŞê muqayeseya wan tê kirin.

Nihad Awad Berpirsê Konseya Pêwendiyên Îslamê li Amerîkayê got, ev name bo hemû xwendevanan nehatiye nivîsandin û nivîseke pir zehmet e û domand, “Armanca me ev bû ku, em nîşan bidin DAIŞ çawa dijî felsefeya îslamê ye.”

Kurteya name ji erebiyê bo zimanên dîtir hate wergerandin û di kurteya 24 xalan de ev tişt derdikevin pêş:

• Di îslamê de êşkence qedexe ye
• Çalakiyên şeytanî bi navê Xwede kirin, guneh e
• Heta ku misilman ji bo xwe nebêjin ‘ez ne misilman im’ ew wek kafir nayê ragihandin
• Heta şertên perwerdehî li gora îslamê neyên bicihanîn fetwa nayê dayîn
• Ola îslamê derfet dide ku alim xwedî fikrên cûda bin.

Di civîneke çapemenî ya li Washingtonê de name bi raya giştî re hate parvekirin û hate xwestin ku hê zêdetir alimên îslamê îmze bavêjin bin vê nameyê.

Alimên ku name îmze kirin gotin, divê ji DAIŞê wek “Dewleta Îslamî” neyê gotin û destnîşankirin ku, bi vê gotinê DAIŞ tê wêrek kirin.”

Rûdaw