Komeleya Yardimê Merdimî û Perwerde û Kulturî ya Karwanê Hêvîye ya Çewlîgî, raporê feALîyetan ê aşma Temuzî ya serra 2026î eşkera kerd.

Eşkerakerdiş de ca dîya fikranê Endamê Heyetê Îdareyî yê Komeleya Karwanê Hêvîye ya Çewlîgî Behçet Yildizî ku o va, aşma Temuzî de pêro piro 1 mîlyon 333 hezar 144 lîra û 52 quruşî ardimê aynî û naxdî ameyî kerdene.

Behçet Yildiz derheqê xebatan de eşkeraqerdîşêkê nuştekî kerd û va:

"Serra 2026î aşma Temuzî de; 135 keyeyan rê 174 hezar 548 TL ardimê gidayî, 109 keyeyan rê 132 hezar 300 TL ardimê goştê surî, 26 keyeyan rê 156 hezar 328 TL ardimê naxdî, 12 keyeyan rê 55 bin 250 TL ardimê melzemeyanê banî, 37 keyeyan rê 158 bin 519,52 TL ardimê cil û bergî, 1 keyey rê zî 19 bin 500 TL ardimê melzemeyanê mûtbaxî ame kerdene. Pêro piro 320 keyeyan rê 696 bin 445,52 TL ardimê aynî û naxdî ame kerdene. Zofê ci ra teberê welatî û Gazze rê zî 636 bin 700 TL ardimê naxdî ame şawitene. Pêro pîya ma 1 mîlyon 333 hezar 144,52 TL ardimê aynî û naxdî kerd."

Yildizî da zanayene ku înî xebatanê xo tewr zêde kerdê û dewam kenê û wina va:

"Sey Komeleya Karwanê Hêvîye yê Çewlîgî, pê azayê xo û hezkerdoxanê xo yew aşma xo ya bîne zî pür û pür û bêveng nêverda xebatanê ardimî kerd. Aşma Temuzî reyde germayî zêdiyayî, hewceyîyê keyeyanê ma yê muhtacan zî vurîyayî. Rojanê germun de gidayî, paqîye û melzemeyê cipayî yê bingehînî zî zêdiyayî. Ma zî bi no hîsê mesulîyetî va ku 'Wa yew hurmayê bêtir zî bo' ra kewtî rayîr. Çewlîg de esnafê ma yê bimbarekî yê ke dilê înî dewlemend ê, ma yew bi yew ziyaret kerdî. Her birayê ma yê ke ma derê ey da, qandê rizayê Ellayî çi çî yo ke şikîyayî dayê, ma girtî ke biresnê keyeyanê muhtacan. Çunkî ma zanê ku; 'Xelatê ey, ancax xêr o. (Surê Rehmanî, Ayeta 60.)' Ma mîyanê nîmetanê Ellayî yê bêhesaban de cuyenê. Rabbê ma, 'Ey bəndê min tu bide ke ez zî bida ti' vano û xêrkerdişî hem sey emrî hem zî sey mîjdeyî dano ma."

Yildizî wina dewam kerd:

"No ra yo ke xêrkerdiş bixwu yew nîmet o û şukurê no nîmetî bınê borca ma dero. Pê destegê şarê ma yê qîymetdar ê Çewlîgî, ardimê ke ma arêkerdî, ma resnenê keyeyanê ma yê ke tengî de yê, qandê ke merhem bîbê birînanê înî ser. Ma seke destê ma ra yeno qandê Gazze xebatanê xo dewam kenê, çerçeweyê xebatanê teberê welatî de xîret kenê. Çi gırd çi gujik bo her destê ke ameyo dergkerdene, beno bereketo yew sufrayî, hêvîyo yew banî. Ma spas û minetdarîya xo pêro esnafanê ma û xêrkerdoxanê ma rê vênenê ke desteg dayê. Ellayê Teala her xêro ke ameyo kerdene qat bi qat bido cı, nîyetan qebul biko."