Kaza, raya Çolig û Erzurumî de, mevkîyê Ilıca de amey meydan. Gorey melûmatan, erebayo hafîf ê tîcarî yo ke raye ra şiyenê, pira da estoro ke nêveng ra veciya raye ro. Sebebiya cırodayışî ra, ereba de 3 kesî dırbalî bîyî.

Gorey xeberdayışî, hergê qezayî rê ekîbê weşîye (sılonîye), UMKE, îtfaîye û jandarma amey sewqkerdene. Dırbalîyan rê hergê qezayî de mudahaleyo verên ame kerdene û dıma zî bi ambulansan dırbalîyê berdî Nêweşxaneyê Dewlete yê Çoligî.

Nêweşxane de dırbalîyan ra A.K, bi heme mudahaleyan zî nêame xelesnayene û merd. Weziyetê 2 dırbalîyanê bînan zî baş o û nêweşxane de derman bîyenê. Derheqê qezayî de tehqîqat ame destpêkerdene.