Qezaya Çoligi Kanıreş de tankerê awe ke a dıhane (fırma) vıraştışi reyde gırêdaye bi erziya dere. Nê qezay dı verba (trafik) de 1 kesi wefat kerd, 1 kes zi gıran dırındar bi.

Qeza, rayerê Kanıreş-Yedisu de, dewa Çerme (Kaynarpınar) de ameyi meydan.

Gorey zanayışan, tankerê awe ke a dıhane vıraştışi reyde gırêdaye bi, dıma ke şofêr hukmatê direksiyoni kerd vindi, kontrolden veciya u erziya dere.

Dıma ke xaber dıriya, cayê qeza rê tımê weşiye (sehat), jandarma u xelaskerdışi (kurtarma) ameyi sevk kerdış.

Nê qezay de, tede wekılen (merdıman) ra Ö. F. Ö. u Ö. K, cayê qeza de mıdaxaleyo sıfteyin ra dıma, wedarıyay Nêweşxaneyi Dewletê Kanıreşi.

Çıke dıreyê inan gıran bi, o ra dıma nê dı dırındari wedarıyay Nêweşxaneyi Dewletê Çoligi.

Ö. F. Ö. yo ke tiya amew bi derman kerdış, pêro mıdaxaleyanê doktoran ra dıma memorya u wefat kerd.

Zanayış ame gırotış ke dıreyê Ö. K. yo ke gıran dırındar bi, nêweşxane de dewam keno.

Heqa qezay de cıgeyrayış (tehqîqat) ame destpêkerdış.