Serokwezîr Bînalî Yildirimê ku ji bo beşdarbûna bernameya ‘Gavavêtina Piştgiriya Pererazandinê ya ji bo Rojhilat û Başûr’ hat Diyarbekirê diyar kir ku ji bo 7 navendên ku di heyama şer de zirarê dîtine dê 10 katrîlyon were xerckirin.

Ji Xeynî Serokwezîr Bînalî Yildirim Alîkarên Serokêwezîr ên Nurettîn Canîklî û Veysî Kaynak, Wezîra Malbat û Polîtîqayên Civakî Fatma Betul Sayan Kaya, Wezîrê Xebat û Ewlehiya Civakî Mehmet Muezzînoglu, Wezîrê Hawîrdor û Bajarvaniyê Mehmet Ozhasekî, Wezîrê Ciwanî û Werzîşê Akîf Çagatay Kiliç, Wezîrê Gumruk û Bazirganiyê Bulent Tufenkcî, Wezîrê Zad Xurek û Heywandariyê Faruk Çelîk, Wezîrê Karûbarên Hindir Suleyman Soylu, Wezîrê Avadaniyê Lutfî Elvan, Wezîrê Aboriyê Nacî Agbal, Wezîrê Perwerdeya Neteweyî Îsmet Yilmaz, Wezîrê Karûbarên Daristan û Avê Veysel Eroglu, Wezîrê Tendirustiyê Recep Akdag, Wezîrê Deryayî û Agahdariyê Ahmet Arslan û gelek parlementer beşdarê bernameyê bûn.

Serokwezîr Yildirim di Navenda Çandê ya Cahît Sitki Taranci de beşdarê bernameya ‘Gavavêtina Piştgiriya Pererazandinê ya ji bo Rojhilat û Başûr’ bû û di bernamê de axivî.

Yildirim destnîşan kir ku dê ji bo 7 navendan 10 katrîlyon were xerckirin û diyar kir ku dê di 23 bajaran de bi tevahî 67 hezar avahî were sazkirin. Her wiha Yildirim diyar kir ku dê li Diyarbekirê berhemên nû werin sazkirin. (ÎLKHA)