Lijneya Lipeyçûna Projeya Reformê ya ku berî salekê ji aliyê Serokê Herêma Kurdistanê ve hatibû avakirin, der barê kar û xebatê xwe de daxuyaniyek da raya giştî. Rapora Lijneyê ku gihişte Avestakurd jî, balê dikişîne ser xebatên xwe ên 11 mehan. Li gor raporê, lêkolîn di warê; zevî, çandinî, pasewantî, berpirs û kesên wehmî, binpêkirina pîvanên zevî, qorixkirin, mafên mirov û pêştevaniya dadweriyê de li sê parêzgehên herêmê û Germiyan hatine kirin. Li gor raporê, 174 dosyayên gendeliyê hene, ji wan 110 bi dawî bûne der barê 53'ê kesan de lêpirsîn hatiye xwestin û hin ji wan radestî dadgehê hatine kirin. Ligel berdewamiya lêkolînê, li gor raporê dê di Newroza îsal de Stratêjiya Reformê li Kurdistanê bê ragihandin.