Diyarbekir qezaya Eğîlî de qutbêjîyayîşê ceyranî yê zaf û dergî, nêrazîbîyayîşê rojane ra pêroyî ra tîcarêtê esnafan zî nêbaş tesîr kenê. Esnafê lokanta û qesaban bi taybetî vaştê ke, hewayê germî de seba qutbêjîyayîşê ceyranî, goşt û mehsulê bînî yê weritene de qandê muhafezekerdîşî zehmetî ancenê, cîhazê înan zirar dîno û zirarê madî yê giranî ancenê.

Cayo ke heme xetê ceyranî ameyî vetene bınê erdî, Eğîl de têlê ceyranî yê khunî dêsan ser o sey torê (aẍe) xûleqnenê. Saziya xizmetê ceyranî yo ke cayê bînî de yeno dayene, wa Eğîl de zî bêro dayene; niştecîyê qezayî seba qutbêjîyayîş û arîzayanê ceyranî yê ke verê xo da hûmara înan zêdîyaya, benê bêzar (bezare bîyê).

Dîcle Ceyran (Dicle Elektrik) derheqê meselê de beyanatan da û va ke, qandê ke qezaya Eğîlî de domdarîya enerjî xurt bıkero, veberdana 40 mîlyon TL ameya qedênayene û 14ê Termûze ra dest pêro enerjî ameya dayene. Dîcle Ceyranî teqez kerd ke, agahîyê arîza, bahr û dalgalanbîyayîşê gerîmî ameyê dayene ekipê ma înan bi hûrorî erzenê verê xo û xebatê kontrol, bahr û onarîşî bêqutbîyayîş dewam kenê.