Mele Selman piştî neh salan ji Îranê vedigere mala xwe:

Melayek ku bi avêtina asîdê ser rûyê jinên serî ne nixûmandî dihat gunehkar kirin, piştî neh salan li koçberiyê vedigere Herêma Kurdistanê.

Peyvdarê Komeleya Îslamî ya Kurdistanê, Mihemed Hekîm, ji malpere înternetê re eşkere kir ku Mele Selman wê hefteya bê ji Îranê vegere Kurdistanê. Şêwirmendê berê yê Elî Bapîr, serekê Komeleya Îslamî ya Kurdistanê, ji ber problemên bi Partiya Demoqrat a Kurdistanê re di 2003ê de reviyabû Îranê. Hingî Mele Selman dihat gunehkar kirin ku wî asîd rijandiye ser rûyên pîrekê ku serê xwe nanuxmînin

Mihemed Hekîm got: "Berê pirsgirêkeke biçûk a Mele li herêmê di destê PDKê de hebû û niha pirsgirêk nemaye û ewê vegere bajarê Hewlêrê.”

Îna çûyî endamê Polîtbîroya Komeleya Islamî ya Kurdistanê, Dilşad Germiyanî, piştî neh salên li koçberiyê li Îranê vegeriya Kurdistanê. Li ser vegera xwe Germiyanî got: "Pirsgirêka min bi ‘Emerîkiyan re hebû û niha ‘Emerîkî ji Iraqê vekişiyane, lewma vegeriyam.”

Li ser vegera Mele Selman ji Îranê Mihemed Hekîm got: "Haya biraderan jê heye ku Mele Selman vedigere. Mele xelkê vê Kurdistanê ye û neh salan li Îranê bû û niha jî vedigere Hewlêrê. Berê hinek îftîra û îddîa di derbarê Mela Selman de hatibûn kirin lê vêga van îddîayan nemane.” (Rûdaw)