Bi munasebeta “Hefteya Mustez’efan ya dinyayê” Komela Hîra-Der û Hur-Derê li Batmanê konferansek bi navê “Qêrîna Mezlûma Ya Bi Bal Rebbê Wan Ve û Helepçe” li darxist.

Konferans bi xwendina Qûrana pîroz destpêkir.

Perwerdekar û nivîskar Fehmî Kaplan û diya Şehîd Hasan Gökgözê ku ji teref Pkkcîyan ve bi wahşîyane hatibûbû qetilkirin, Mehtap Gökgöz beşdarî konferansê bû.

Endama komela Hîra-Derê  Zehra Çîftçî, axaftina silavdayînê kir.

Dayika Şehîd Hasan Gökgöz, Mehtap Gökgözê jî axaftinek kir. Wekî malûme kurê wê şehîd Hasan Gökgöz, li Dîyarbekirê di 6 û 7 tê Cotmehêde ji teref çeteyên hov û wehşî ve, bi şeklekî wahşîyane hatibû qetilkirin.

Muhterem Mehtap Gökgözê weha got: “Bera zalim û xwîn mijê Kurdistanê û dinyayê bizanibin ku tu kes nikarin me bi zulm û zorê ji d’aw û doza îslamê bi dûr bixin.”

Bi axaftina dayika dilşewat, hemî beşdar dil zîzbûn.

Piştî axaftina dayika şehîd Hasan, endama sazîya îdarî ya komela Hîra-Derê Gulsûm Yakûtê jî axaftinek kir.

Gulsûmê bal kişand ser wehşeta di 6 û 7ê Cotmehê de bi behanê kobanê qewimî û îfade kir ku kesên ew ciwanên musluman şehîd kirin, ji însanîyetê para xwe negirtibûn.

Perwerdekar û nivîskar Fehmî Kaplan ji di axaftina xwe de îfade kir ku kesên dibêjin em mezlûmin, di wahşetê de tü cûdatîya wan û ‘Emrîqaya îşxalker û Îsraîla sîyonîst tuneye.

Bername bi xelatkirina kesên di îmtîhana sîyera wîladeta pîroz de derence wergirtibûn û bi xwendina dûayê bi dawî bû.

BANGAHEQ