Serokwezîr Nêçîrvan Barzanî, Alîkarê Serokwezîr Qûbat Telebanî, Serokê Tevgera Goranê Noşîrvan Mistefa û Sekreterê Giştî yê Yekîtiya Niştimanî ya Kurdistanê Berhem Salih jî beşdarî hevdîtinê bûn.

  Li gor agahiyan Kerry û Barzanî li ser pirsa rewşa Misûlê xeber dan.

  Kerry da zanîn ku divê îdareke ku hemû komên etnîk û dînî di bin banê wî de bên bal hev bê avakirin, lewra îdareke bi vî rengî, wê hêsantir pirsgirêkan çareser bike. Hat gotin ku Emrîka, Kurdistaneke serbixwe dil nake.

  Barzanî jî destnîşan kir ku qirîz bi rêyên zordarî û leşkerî nayên çareserkirin û pêdiviya Iraqê bi rêyên çareseriyê yên siyasî heye. Barzanî da zanîn ku herêmên di bin destê pêşmergeyan de bi ewle ne, can û malê gelê herêmê tê parastin. Herwiha wê alîkariya însanî ya penaberên ku tên herêmê jî bê kirin.

  John Kerry di çarçoveya hevdîtinên Iraqê de bi Serokwezîr Nûrî Malikî û Wezîrê Karên Derve Hoşyar Zebarî re jî, li paytext Beğdayê hatibû bal hev.

 BANGAHEQ