Diyarbekirê Hênê de ekibê beledîye zibilanê ke merkezê ilçe û dewanê hacetan ra arê danê, eştê cayê ke nezdîyê Mahalle Gürbüzî yo. Caê zibilî hem cayê berzi de yo hem zî nêzdîyê erdê ziraetî û daristanî yo, ke no zî seba qewimîyayîşê adirî (agıri) xeterîye vırazeno.

Serekê Qeza Hênê yo HÜDA PARî Aziz Demirî bal eşt warê hewa yo qirkin û xeterîyanê ke hacetê zibilî yê ilçe de veciyêne yan zî veciyenê ser, û seba guretişê tedbîranê laziman hişyari da meqamanê eleqadaran.

Demirî seba vindarnayişê nê xeterî û xofun tewrê çareyan vat û da zanayene ke: nê zibilî nêrazê cayê berzi de, tewr rind o ke cayê kurî de bêrê arêkerdene; no cayê kurî gani caê xo dewra caweyan û ziraetî ra dûrî bêro ronayene û eke lazim bibo, gani yew tesîsê arıtmayî zî bêro viraştene.

"Zibilê ke yenê veştene, zirar danê erdê ziraetî"

Demirî vat: "Beladîyaya Hênê zibilanê ke merkezê ilçe û dewan ra arê dano, pêro eştê nê cayî. Belê no ca bêkontrol o. Royê hewayî peyda beno, nê zemanî zemanê ziraetî yo. Na mase de caran bi tesîrê roye agîrî veciyenê. Xususen Mehlaya ma ya Okur ke nêzdîyê ma ya, no ca ra zaf nêweş bena. Çunke zibilê ke tiya de yenê veştene bi tesîrê roye zirar danê erdê ziraetî. Gani no tengî zû ra bêro wedarnayene, yew tesîs bêro viraştene û kontrol bin de bêro girewtene."

Demirî dewamê qisey xo de va: "Normal de gani nê zibilî bêrê eştene cayê ke kur o. Eke cayê berzi de bo, tesîrê roye zafêr beno û zirar dano erdê daristanî û ziraetî. Gani tiya de yew tesîs biro viraştene yan zî caê ke dûr o, uca de cayê kurî de bêro eştene. Belê her hal û kar de, xususen zemanê amme-hasatî de gani zibilan nêveşenê. Çunke seba rastê xeterîyêka pîle beno."