Komeleya Kervanê Umudi ê Çoligî, semedê Roşanê Qurbanî hazar û hewt sey û poncay (1750) keyeyan rê goştê qurbanî viraşt.

Ew tîmê ke tede eza û dildarê komeleyê estbî, wexto ke hacet û mehleyan gêray, goştê qurbanî resna keyeyanê sêwî û hewcedaran ê ke pêncî ra amebî tespîtkerdiş.

Endamê Heyetê Îdareyî ê Kervanê Umudi ê Çoligî Behçet Yıldızî serba xebatan zanayîş da û va ke ê deryayê serrî de pêncî ra gıda, kınc, bılvîn û hewcehiyê esasî ser o paştî dayê bi hazaran keyeyan.

Yıldızî serba wekaletê qurbanî xêrxwazan rê sipas kerd û va ke qurbanê ke xêrxwazan seba keyeyanê muhtac û hewcedaran dayê, înan birnayê û goştê înan resnayê bi hazaran keyeyanê muhtacan.

“Qurban, nimetanê Homayî rê şukirêk o”

Yıldızî va ke bi xêra qurbanan ê hezar û hewt sey û poncay keyeyan rê goştê qurbanî viraşto û wni qasî kerd: “Qurbanê ke ma birnay, ma her yew kerd dı kîloyî û pakêt kerd. Ma nê goştî resnay keyeyanê feqîr û muhtacan ê ke verê ra amebî tespîtkerdiş. Emanetê ke hemwelatî û xêrxwazan dabî ma, ma viraşt keyeyanê hewcedaran. Qurban, zîyafetê Allâhü Teâlâ yo ke kerd kullê xo. Qurban birnayîş, rayê Allâhü Teâlâ de feda kerdene ya. Nimetanê Ey rê şukirêk o. Reyna seba xêr û nizdîbîyayîşê Homayî rê wesîle yo, belayan ver de zî sîperêk o. Komeleya Kervanê Umudi ê Çoligî dıma, qurbanê ke serra 2026 de ma birnay, ma bi eza û dildaranê xo reyde bi hewayê roşanî gureyay û goştê qurbanan leze-leze resna birayanê keyeyanê hewcedaran ê ke bajarê ma de nişenê ro. Ma pêncî ra nê şayî rê bî şorîk. Ma naza ra sipasê heme birayanê xêrxwazan kenî ke bî wesîleyê nê şayî. Pêxamberê ma Hz. Mihemed (s.a.v) vano ke: ‘Roja Roşanê Qurbanî de ibadeto tewr bixêr qurban birnayîş o.’ Ganî ma nê vîr ra nêkerî, keyeyê ma estê ke serre de reykê goşt kewno keyeyê înan. Serba ke ma nê birayanê xo bêpar nêkerî, gerek Roşanê Qurbanî de gerek zî zerrê serrî de seba nê ibadetê muhîmî ganî ma xeyret bikerî.”

“Deverê welatî de 1649 hiseyê qurbanî amey birnayîş”

Yıldızî diyar kerd ke ê çenê zerrê welatî de, deverê welatî (yurtdışı) de zî xebatî kenê û va ke Çolig ra tewr zaf seba Filistin, Afrika û Yemenî 1649 hiseyê qurbanî amey baxşkerdiş. Yıldızî wni va: “Xebatanê weqfa ma ya Kervanê Umudi ya ke deverê welatî de kena zerrê de, ma Çoligê ma ra 1649 hiseyê qurbanî tewr zaf seba Filistin, Afganistan, Suriye, Lübnan, Yemen, Afrika û Qitaya Asya û sey nînan zafan welatan rê qurbanî şawitî. Bi wekaletanê ke amey dayîş, ma welatanê ke baxşkeran vabi de qurbanî birnay. Ma vîdeoyê qurbananê baxşkeranê xo ê ke zerrê welatî û deverê welatî de wekalet dabî ma, kîjan cayan de ke amey birnayîş, o cayan ra seba înan şawitî. Ma naza ra sipasê heme xêrxwazanê xo û eza û dildaranê xo kenî ke nê amonê germ de ma tenya nêberday. Homa qurbanê ke înan birnay, verê hûzurê xo de qebul bikero.”