Li Avcilara Stenbolê serbihureke li ser rêya D-100ê, ji ber lêqewimîna tankêrekê ket xwarê.

Rayedarên Midûriyeta Tenduristiyê yên Stenbolê beyan kir ku tankêr li serbuhirê qelibî û ji lew serbuhir tep bû. Di vê heyamê de hinek wesaîtên ku di rê re derbas dibûn di bin serbihurê de man. Li gor agahiyên ewil di qezayê de kesek mir û yek jê şofêrê tankêrê 4 kes jî birîndar bûn.

Rayedaran got ku piştî qezayê gelek ambulans, agirkuj û tîmên tenduristiyê sewqî herêmê bûn. Kesên birîndar rakirin Nexweşxaneya Lêkolîn û Perwerdeyê ya Dr. Sadî Konuk a Bakirkoyê.

Pey qezayê rêbejahiya E5ê ji her dû hêlan ve ji trafîkê re hat girtin. Seferên metrobusê jî ji aliyê Avcilar-Beylîduzuyê ve hatin betalkirin.

Çınarın Sesi