Li Bendava Goksuyê ya ku nêzîkî 3 kîlometreyan dûrî navenda navçeya Çinarê ye, cesedê mêrekî hat dîtin.

Li gorî agahiyên hatine girtin, personelê ku di Baraja Goksuyê de wezîfedar e, ferq kir ku li ser avê kesek bêliv (bêhereket) rawestiyaye.

Piştî ku agahî dan navenda bangê ya acil a 112an, tîmên tenduristiyê, ewlehiyê û yên xelaskaran (dalgıç) sewqî herêmê bûn. Di encama xebatên ku ji aliyê tîmên xelaskaran ên cendirme û agirkujiyê (îtfaîye) ve hatin kirin de, bedena bêcan ji avê hat derxistin.

Piştî lêkolînên hatin kirin, ji bo tespîtkirina sedema teqez a mirinê û kirina otopsiyê bedena wî birin Saziya Tibba Edlî.