Di xebatên lêgerîn û rizgarkirinê yên ku bi mehan e ji bo çiyager S.Y. ya ku di dema hilkişîna Çiyayê Agiriyê de winda bibû dihatin meşandin de nûçeya tahl (xemgîn) hat.

Piştî îxbara windahiyê ya ku di 22yê Adarê roja yekşemê saet li dor 14.45an hatibû kirin, di bin koordînasyona Serokatiya AFADê û bi sevk û îdareya Parêzgehê de operasyoneke berfireh a lêgerîn û rizgarkirinê hatibû destpêkirin.

Di xebatên ku bi beşdarbûna tîmên Rêveberiya Parêzgehê ya AFADê, Fermandariya Cendermeyan a Parêzgehê, Rêveberiya Emniyetê ya Parêzgehê, UMKE, Îdareya Taybet a Parêzgehê, AFADa Wanê û Heyva Sor dihatin meşandin de; tevî mercên zor ên erazî û şertên neyênî yên hewayê jî hemû derfet hatin seferberkirin.

Di dema keşfên hewayî yên bênavber ên ÎHA û SÎHAyên ser bi Fermandariya Giştî ya Cendermeyan ên li herêmê de, di 11ê Tîrmeha 2026an de li cihê ku çiyagera winda cara dawî lê hatibû dîtin, tiştên kesane yên ku dihatin nirxandin a wê ne hatin dîtin.

Bi destdayîna şert û mercên hewayê re, di encama xebatên lêgerînê yên berfireh ku di 12ê Tîrmeha 2026an de li herêmê hatin destpêkirin de, di bilindiya nêzî 4 hezar û 700 metreyî ya Çiyayê Agiriyê de laşê (murdik) ku tê nirxandin ê S.Y. ye hat dîtin.

Bi mebesta ku laş ji herêma hilkişînê daxînin qada ewle, ji aliyê tîmeke pispor a ji 40 kesî ve xebatên valakirinê (tahliye) hatin destpêkirin. Rayedaran ragihand ku piştî karûbarên edlî û lêkolînên ku werin kirin, dê tespîtkirina nasnameya teqez werê encamdan.