Bûyer, di saetên şevê de li ser Rêya Bilez (Otoyol) a Denizli-Aydınê pêk hat. Li gorî zanyariyên ku hatine bi dest xistin, otobusa rêwiyan a ku di navbera Îzmîr û Antalyayê de sefer dikir, ji ber sedemeke ku hêj nehatiye diyarkirin ji kontrolê derket û li bariyerên ber qiraxa rê xist. Piştî lihevxistinê, di wesayîtê de şewat derket û alavên agir di demeke kurt de dor li temamiya otobusê girt.

Li ser agahdarkirinê, tîmên tendurustiyê, îtfaiye, polîs û jandarmeyê sewqî cihê qezayê hatin kirin.

Di lêkolînên hatine kirin de hat diyarkirin ku ligel şofêrê otobusê bi giştî 8 kesan li cihê bûyerê jiyana xwe ji dest dane. 33 kesên birîndar jî bi ambulansan sewqî nexweşxaneyên derdorê hatin kirin û hatin girtin bin tedawiyê.

Piştî qezayê, piştî ku xebatên lêkolîna li cihê bûyerê temam bûn, cenazeyên kesên ku jiyana xwe ji dest dabûn ji bo saziya tipa edlî hatin şandin.

Derbarê qezayê de lêpirsîn hat destpêkirin.