Li gor xeberên ajansa Îlkeyê, Li Edenê li şûbeya komela Mustezefan, ji teref kesên nenas ve bi molotofa êriş hat kirin. Êriş, di se’et yek û nîvê şevê de hat kirin. Bi êrişê agir bi bînayê ket. Li ser îxbarê, ekîba îtfaiyê hat û şewatê temirand. Di dema êrişê de, kesek di bînayê de tune bû. Bi şewatê xisara maddî çêbû.

Berî niha jî gelek cara, bi dar û kevira, bi molotofa êriş li komelê hatibû kirin. Lê polîs, weka her car, vê carê jî, bi ser guhê xwe ve avêt. Ji bo lêpirsîn û girtina êrişkeran gavekî xuyanî ne avêtiye.

Ji endamên komelê Ramazan Tekîn, der heqê êrişa li ser komelê de weha got “Em zanin ku vê êriş, ji alî nebaş û dilxeraba  hatiye kirin. Em dixwazin asayîş mesûla bigre. Lê heta niha hê nehatine lêkolînê. Ev jî manîdar e.”

Ji ber êrişê, platforma bawer û hurriyeta Însanî ya Eqdenîzê, îro di se’et çarê êvarî de li ber komelê civiyan û bi beyenatek çapemenî ya gelî, êriş şermezar kirin.   (Ferman Çiyayî - Bangaheq)