Xeberên ajansan diyar kir ku li Îskenderûna Hatayê, li çola gundê Akarcayê, di navbera esker û mensûbên PKKê de şer qewimiye. Di şer de cerdevanek hat kuştin.

Hat gotin ku eskeriyê, li çola çiyayên gundê Akarcayê, di operasyonê de bû. Di heyama operasyonê de, di navbera esker û mensûbên PKKê de, şer qewimî. Di şer de cerdevanek hat kuştin.

Li Şemzîna Colemêrgê, li gundê Bedavê, mensûbên PKKê, girtin ser şantiya baraja Aslandağê. Agir bera wesaîtên şantiyeyê dan û reviyan. Ji ber hadîseyê operasyon hat rast kirin.

Li aliyê din hat diyar kirin ku li Colemêrgê, îdara zanîngeha Hekkarî, ji ber ewlehiyê, qirar da ku perwerdehiya duyem, danê rojê bê dayîn. Rektorê zanîngehê Îbrahîm Belenlî, diyar kir ku li gor xwestina xwendekaran, wê perwerdehiya duyem, danê rojê bê dayîn. Piştî xwendekarên vê qismê mezûn bibin, wê li zanîngehê, ev beşa perwerdehiyê bê rakirin. (Ferman Çiyayî/Bangaheq)