AFADê ragihand ku li navçeya Battalgazî ya Meletiyê di mezinahîya 5an de erdhejek hat qeydkirin.

Li gorî daneyên AFADê, erdhej di saet 06:20an de 15.59 kîlometre di bin erdê de çêbûye.

Erdheja ku bû sedema panîkê, li bajarên derdorê jî hate hîskirin.

Waliyê Meletîyê Seddar Yavuz, di daxuyaniyekê ku li ser hesabê xwe yê medyaya civakî parve kir de, ji welatiyên ku ji erdhejê zirar dîtine re sersaxî xwest.

Walî Yavuz diyar kir ku piştî erdhejê ekîban dest bi lêkolînên meydanî kirine û got, "Heta niha, ti encam an raporên xerab nehatine bidestxistin." (ÎLKHA)