Li navçeya Wêranşar a Rihayê wesayîtek di bin qamyonê de eciqî: 3 kes mirin
Li navçeya Wêranşehîr a Rihayê, di qezayeke trafîkê de, ku qamyonek û wesayîtek li hev ketin, sê kesan canê xwe ji dest dan. Di encama qezayê de wesayît di bin qamyonê de asê ma.
Qeza, li dora saet 4:00ê piştî nîvro li ser rêyeke alternatîf a navçeya Wêranşehir a Rihayê qewimî.
Ji ber hêza lêdanê wesayîtê di bin qamyonê de asê ma û her sê kesên di nav de li cihê bûyerê mirin.
Piştî ku welatiyên ku şahidên qezayê bûn, agahî dan, ji herêmê re ekîbên tenduristî, ewlehî û îtfaîyeyê hatin sewqkirin.
Ekîbên polêsan li cihê qezayê tedbîrên ewlehiyê yên berfireh girtin, û piştî lêkolînên li cihê bûyerê cenazeyên sê kesên ku canê xwe ji dest dan birin morgê.
Ji bo diyarkirina sedema qezayê tehqîqatek berfireh hatiye destpêkirin. (ÎLKHA)
Türkçe karakter kullanılmayan ve büyük harflerle yazılmış yorumlar onaylanmamaktadır.