Bûyer, li ser rêya Nisêbînê, li nêzî Taxa Ilıcakê (Gundê welet) ya gundewar a bi ser qezayê ve pêk hat.

Li gorî agahiyên hatine bi dest xistin, di navbera du komên ku bi wesayîtên xwe diçûn de ji ber meseleya rênedanê nîqaş derket.

Nîqaş di demeke kurt de veguherî şerê bi çek, kevir û daran. Di şer de 9 kes birîndar bûn.

Li ser agahdarkirinê, tîmên tenduristiyê û cendirme sewqî cihê bûyerê hatin kirin.

Piştî destwerdana yekemîn a tîmên tenduristiyê, birîndar rakirin nexweşxaneyên derdorê.

Ji birîndarên ku hatin dermankirin, 2 kes tevî hemû destwerdanên bijîşkan (doktoran) jî nehatin rizgarkirin.

Cenazeyên kesên ku jiyana xwe ji dest dan, ji bo otopsiyê birin morga nexweşxaneyê. Li aliyê din hat diyarkirin ku dermankirina birîndarên din berdewam dike.

Li ser bûyerê lêpirsîn hat destpêkirin.