Lûtkeya Îslamê ya 13 emîn a Saziya Yekitiya Îslamê ya ku Tirkiye mazûvantiya wê dike li Navenda Kongreya Stenbolê dest pê kir. Serokên lijneya Dewletan ji teref Serokkomar Recepe Tayyîp Erdogan ve hatin pêşewazkirin.

Serokkomar Recepe Tayyîp Erdogan, mêvanên xwe yên serokkomar, serokên meclîsê û serokwezîran di platforma ku dê wêne bikêşin de pêşewaz kir.

Bi wesîla lûtkeyê dê Tirkiye Serokatiya Dewra Lûtkeyê jî teslîm bigire

 Lûtkeya Îslamê ya 13 emîn a Saziya Yekitiya Îslamê dê di nabeyna 14-15ê Nîsanê de li Stenbolê pêk were. Dê di lûtkeya îsal de mijarên wek edalet, aşitî, yekitî û piştgirî werin axavtin. Bi wesîla lûtkeyê dê Tirkiye Serokatiya Dewra Lûtkeyê jî teslîm bigire. Ji ber vê yekê Serokkomar Recepe Tayyîp Erdogan dê 2 sal seroktiya lûtkeyê bike. (ÎLKHA)