Mebusê Mersini ê HÜDA PARî Faruk Dinç, afato ke qezaya ma Çinar de bîyo bi sebebê veşayîşê tewr kêmî 1000 dênim ce, genim û mercûyan berd meclis.

Dinçî meclis de yew eşkerayîya çapemenîye vana û nê çiyan pare kerd: "18ê Hezirane roja Pancşemi (vîstesar) de dewanê qezaya ma Çinar, dewa Kelagavana û dewa Lugûs de, erdanê genim, ce û mercûyan de adiroko gird vejiya. Ez bi nê wesileyî heme cotkaranê ma ê ke adir ra zirar dênê rê vanî derbasî bo, Rebê min ê tewr xirabinan ra bışevefno. Welatiyê ma ê ke adir ra zirar dênê, hetê Serekê Hudaparî ya Qezaya ma ya Çinarî Hêja Aziz Tekdal û heyetê ey ra ameyî zîyaret kerdene. Goreyê vatışê niştecîyanê dewe:

Dewa Qelagavana de;

• 700 dênim erdê nêbiyaye (ekile)

• 2000 dênim erdê daristanî veşayo.

Dewa Lugûs de zî:

• 300 dênim erdê nêbiyaye veşayo.

Bêguman Rebê min ê tewr xirabinan ra bışevefno la ganî zirar û zîyanê nê cotkaranê ma di wextêko kilm de bêro tespît kerdene û bêro purnewene."

Mebus Dinç dewama eşkerayîya xo de wina va: "Ganî cotkarî bêrê destek kerdene, nê her dewan sey herêmê afatî bêrê vênayene û mexduriyetê nê cotkaran bêro vetene. Eger cotkar bırriyo, ronişeno; îstîhdam ronişeno, welat ronişeno. Çunke nê cotkarê ma çend aşmî yo verba nê hasatî de pawey bîyî. Tam wextê hasatî de veşayîşê berhemên înan, seba înan kaye û zirarêko gird o. Ganî no zirar bêro vetene, cotkarî bêrê destek kerdene."