Mîtîngê Mewludê Nebî yo ke hetê Weqfa Sevdayıtanê Pêygamberî ra nê serrî bi temayê 'Serekê Wedet û Xelasiyê Ma Hazretê Muhemmed' viraziya, qezaya Bağlarî de Meydanê Parkê Newrozî de saete 13.30 de dest pêkerd.

Sereyê mîtîngî de, qariyo namdar ê Kurdıstanê Iraqî Senger Ebdulqadirî qiraetê Qur’anê Kerîmî kerd.

Sere de merkez û qezayanê Diyarbekirî ra û şaristananê dormeyî ra aşîqê Pêygamberî ke ameyî, saetanê verî ra meydanê çalakî hincahinc dekerd.

Program de seba serekê eşîran, aliman, sîyasetmedaran û nûneranê dezgehanê sivîlan (STK) ke zereyê welatî û teberê welatî ra ameyî, di platformî ameyî ronayîş.

Mîtîng de Serekê Pêrokî yê HÜDA PARî Zekeriya Yapıcıoğlu, rayberê partiyanê Bizutnawa Îslamî û Yekgirtu yê Kurdıstanê Iraqî, Serekê ÎTTÎHADUL ULEMA Mele Enver Kılıçarslan û endamê dezgehî; Reya naye de Sûriye, Gazze, Misir, Bangladeş, Sudan, Bulgaristan û Afganistan ra alimê Îslamî û zaf dawetkiyayeyî ameyî pêser.

Posterê şehîdan ameyî daliqnayîş Meydanê çalakî de yew postero hîra ke ser de fotrafê mazlumanê ke coğrafyaya Îslamî sey Gazze, Lübnan, Suriye, Afganistan, Iraq, Sudan, Turkistana Rocakewtene û Îran de ameyî qetilkerdene estbî, ame daliqnayîş. Reyna meydan de posterê Yasin Börü, Riyad Güneş, Hasan Gökgöz, Hüseyin Dakak, Turan Yavaş, Cumali Güneş ke hêrişanê PKK/HDP yê 6-7ê Teşrîna Verêne 2014î de ameybî şehîdkerdene û posterê Serekê Yeni İhya-Derî Aytaç Baranî ke 9ê Hezîrana 2015î de hetê PKKyîyan ra ameybî şehîdkerdene, ameyî vînayîş.

Beşdarbîyeyan bi beyraqanê Tewhîd û Filistînî û bi pankart ile dövizanê ke hesarotê (sevdaya) xo ya verba Hazretê Pêygamberî nîşan danê, yew şayîyêna vînayîşî (şölen) vıraşte.

Mîtîngê ke hetê Emin Gülsever û Fatih Taşî ra ame pêşkêşkerdene de, verî qariyo namdar ê Kurdıstanê Iraqî Senger Ebdulqadirî qiraetê Qur’anê Kerîmî kerd. Badê cê hunermendanê Özlem Ajansî Mewlûdê Şerîf wend.

Mesajê Mewludê Nebî yê 2026î Badê îlahî û ezgîyanê ke ameyî wendene, mesajê nê serrî yê Weqfa Sevdayıtanê Pêygamberî ame wendene. Mesaj, hetê Endamê Heyetê Rayberîya Weqfa Sevdayıtanê Pêygamberî Yakup Kaya ra ame parekerdene.

Mesajê Mewludê Nebî yê 2026î yê Weqfa Sevdayıtanê Pêygamberî pîya wina yo:

"Hamd, Rebê aleman Ellahî rê yo. Selat û selam; 'Serekê Wedet û Xelasiyê Hazretê Muhemmedî' rê, Ehl-i Beytê ey rê, Esrebetê (Eshabê) ey rê û êyê ke hetanî qiyamet rayîrê ey taqîp kenê rê bo.

'Rastî naya ke, na ummeta şima ummetêna yegane (tek) ya. Ez zî Rebê şima ya. Îbadetê Mi bıkirê.' (Enbiya 92)

Wedet (Yewî), yewbîyayîşê Musulmanan o ke esasê biratîye ser o ronayî yo.

'Tenya bawermendî (muminî) birayê yewbînî yê.' (Hucurat 10) Îslam, merdiman seba taybetmendîyanê bînan nê, tenya goreyê bawerî û dînê înan rêze keno. Êyê ke îman anê û mensubê dînê Îslamî yê, înan bira îlan keno, sey komelêk qebûl keno û nameyê 'Ummetê Îslamî' dano înan. Ezayê ummetê Îslamî bi besteyê (bağ) dînî yewbînan ra besteyê. Na rasedayîş (vazîyet), wedetê ummetê Îslamî zerûrî keno. Çunke ummetê Îslamî bi wedetî (yewbîyayîşî) vırazîyeno."

Wehdet (Yewî), seba Musulmanan hewcetî û zerûretêka. Ewro çîyo tewr esasî yo ke Musulmanî hewcê ci yê, wedet o. Çunke ewro Musulmanî vila bîyê, coke ra zulmê kafiran vînenê, erdê înan ameyo îşgalkerdene, welat û bedenê înan bi bombayan parçe-parçe benê. Nê di serranê peyênan de înan hêrişê gıranî kerdî serê Gazze, Şerîaya Rocakewtene, Lübnan, Yemen, Iraq, Suriye û peynî de zî serê Îranî. Înşallah nêbenê serfiraz û nê hêrişî do bibê peynîya rejîmê îşgalî yê siyonîstî. La ganî nê nêro vîra kerdene ke hedefê înan temamê dînê Îslamî yo. "Îtaatê Ellahî û Resûlê Ey bıkirê. Yewbînan de miunaqeşe (pêkewtış) mekerê. Çunke şıma do bivila bê û quwetê şıma do şiro. Sabır bıkirê, şik çîn yo ke Ellah pîya bi sabırkerdoğan o." (Enfal 46)

Wehdet, ummetê Îslamî quwetdar keno. Ummetê Îslamî; reng, ziwan, nîjad û coğrafyaya ci çi beno wa bibo, temamê Musulmananê serê herde ra vırazîyena. Her Musulman ezayê de tabaî yê ummetê Îslamî yo. Eke ummetê Îslamî wedet bıkero (yew bibo), Musulmanî do bibê quwetêko dınyewî (küresel).

Coke ra, hem seba ke emrê Îslamî bîro ca û hem zî seba quwetî ke merdim bişîko verba hêzanê şerî de Îslam û Musulmanan bıpaveyê (müdafaa bıkirê), ganî her Musulman seba wedetî bixebitîyo.

Hetanî ke Musulmanî wedet nêkerê, do her tim bêquwet bimanê û coke ra nêşîkenê ne dînê xo ne zî xo heqê ci de bıpaveyê. Çunke wedet, yanî yewbîyayîşê Musulmanan, badê îmanî quwetê maddî yo tewr pîl o. Cayo ke tede yewbîyayîş çîn yo, tede quwet zî nêbeno. Bêquwet zî fitne û fesad serê herde ra nêdaryeno we. Tarîx de Musulmanî key bîyê yew, hûmara înan kemi bîya zî her tim galib ameyê. Coke ra "Pîya sımsıki tewatê (werisê) Ellahî bigırê, parçe-parçe mebê." (Al-i İmran 103)

Nimûneya tewr rinda Hazretê Muhemmed o (sav). Hazretê Muhemmedî (sav) her çi ke Rebê aleman Ellahî ra gırewtê, nîşanê merdiman dayê û heqîqatê heyatî eşkere kerdê. Ey Rebê înan şinasno ci, dînê înan musno ci û bi nê qaydeyî imtihanê dınyaye de çi rê û senî bawer bıkerê, çi û senî bıkirê nîşan dayo û rayîrê xelesîyayîşî (kurtuluş) musno ci. Na rayîr Îslam o ke bingeyê ci Qur’an û Sunnet o. Hazretê Muhemmedî (sav) heyatê xo de Îslam bi her dewayê kerd pratîk û seba merdimatîye bîy yew serekê bêemsal. "Sond bo ke, seba şima, seba êyê ke umîdê resayîşê Ellahî û roja axiretî kenê û Ellahî zaf zikir kenê, Resûlê Ellahî de nimûneyêka rinda esta." (Ahzap 21)

Serekê xelesîyayîşî Hazretê Muhemmed o (sav). Ellahî (cc) waşto ke merdimî dima (tabîyê) Hazretê Muhemmedî (sav) şîrê. Êyê ke tabîyê Hazretê Muhemmedî benê û goreyê sunnetê ey şonê, do xelesîyê. Coke ra seba Musulmanan serekê raşt û bingeyî yê xelasiye tenya Hazretê Muhemmed o (sav). Kesê ke teberê Îslamî de dînê bînî yan zî îdeolojîyêka merdimî (beşerî) pawenê, seba Musulmanan nêşîkenê bibê serekê xelesîyayîşî. Reyna, teberê Îslamî de tu dîn û tu îdeolojîyê merdimî seba însanan rayîrê xelasiye nîyê. "Kam ke îtaatê Ellahî û Resûlê Ey bıkero, Ellah ey tede ebedî bimanîyo, cenetanê winasênan de ke bınê înan ra çemî (ro) şonê, ca keno. Xelesîyayîşê pîl hema no yo." (Nisa 13)

Coke ra, seba resayîşê xelesîyayîşê raştî, ganî her Musulman tabîyê Hazretê Muhemmedî (sav) bo, goreyê sunnetê ey şiro û Îslamî seba xo bıkero dîn û dewa. Hazretê Muhemmed (sav) serekê xelesîyayîşî yo yegane (tek) yo. "Her nefs do mergî (merdene) tam bıkero. Heqê kerdênanê şima roja qiyametî do bi temamî bîro dayene. Kam ke adir (cehenem) ra bîro dûrkerdene û bıkewo cenet, o bi raştî resayo xelasiye. Heyatê na dınyaye tenya menfeatêko xapînok o." (Al-i İmran 185)

Mele Osman Teyfur: "Wehdet û yewî tenya sloganêko ziwa nîyo"

Program de verî, Endamê Heyetê Rayberîya ÎTTÎHADUL ULEMA Mele Osman Teyfur bi Kurmanckî qisey kerd.

Mele Osman Teyfurî bale ant nê nuqtayan ser: "Seba ke ma nêresenê serkewtene (zafer), sebebo tewr pîl tefrika û îxtîlafê (vîlabîyayîşê) mabênê ma yo. Çareyê nê çi zî wedet û yewî yo. Wedet û yewî tenya sloganêko ziwa nîyo. Eke ma bi eqîdeyo sehîh bibê yew, Ellah do serkewtene nesîbê ma bıkero. Ganî ma îfrat û tefrikayanê tarîxîyan ra dûrî bıkewê."

Mele Remzi: "Key ke Musulmanî bibê yew, dınya nêşîkena verê ma de vınderö"

Badê ezgî û îlahîyanê ke reyna ameyî wendene, Verovajîyê (Sözcü) ÎTTÎHADUL ULEMA Mele Remzi Uçarî qisey kerd.

Mele Remziyî bale ant ser ke teberê wedet, biratîye û yewbîyayîşî de çareyêko bîn çîn yo û wina va: "Xelesîyayîşê ma wedetê ma de yo. Serkewtena (zafera) ma wedetê ma de ya. Resayîşê ma yê fethan wedetê ma de yo. Sey tarîxî, Musulmanî key ameyî pêser, îşte o çax qezenc kerd."

Mele Remziyî wina nîqaş kerd: "Zano ke, key ke ma bibê yew, dınya nêşîkena verê ma de vınderö. Coke ra şew û roca xo anê pêser ke mabênê ma de îxtîlaf (vîlabîyayîş) bıpırojê. Ganî ma nê çi rê fersat nêdê. Zıwanêko ke siyonîstî fam kenê esto. O zî fermanê Rebbê ma yo ke ayetê kerîme de vano: 'Vireyê (hêzê) şima çıqa bes keno, verba înan de quwet amade bıkirê. Estoranê besîyan (seba şerî) amade bıkirê. Bi nê qaydeyî dişmenanê Ellahî û dişmenanê xo bitersnê.' No ayetê kerîme ganî qet aqilê ma ra nêşiro. Xelasiye Mihemed Mistefa (as) de ya. Xelasiye taqîpkerdişê ey de ya."

Çalakîya Mewludê Nebî, bi duaya Endamê Heyetê Rayberîya Weqfa Sevdayıtanê Pêygamberî Mele Ömer Çelikî ke bınê varanêka zaf de wende, peynî gırewt.