Zulma û şîddeta ordiya rejîma Esed didome. Di êrîşên dawîn ên hêzên rejîmê yên li ser herêmên di bin destê muxalîfan de, 101 kes hatin qetilkirin. 32ê wan zarok û 14ê wan jî jin in.

Li Hamayê 22, li Heleb û Îdlîbê bi 20an, li derûdora Şamê 15, li Kuneytirayê 6, li Raqqa û Derayê bi 5an, li Haseke û Hûmûsê bi 3an û li Deyrez Zorê jî 2 kes, bi tevahî 101 kes hatin qetilkirin.

Li aliyê din hat gotin ku helîkopterên ordiyê, bi ser beldeyên Habît û Xan Şêyxûn ên di destê muxalîfan de, bombeyên warîlê barandine. Di êrîşan de di nav wan de jin û zarok jî, herî hindik 30 kes hatin qetilkirin, bi dehan kes jî birîndar bûn. Kesên birîndar rakirin nexweşxaneyên sahrayê. Di van êrîşan de gelek mal xera bûn û hat gotin ku xelkê bi îmkanên xwe hewl dane ku mirî û birîndaran ji binê enqazan derînin.

Çınarın Sesi