Di pevçûna li sînorê Ermenistan û Azerbeycanê de, 4 leşkerên din ên ordiya Azerbeycanê hatin kuştin.

Wezareta Parastinê ya Azerbeycanê beyanat da û diyar kir ku ordiya Ermenistanê li ser sînorê di navbera her du dewletan de, li herêmên cuda 73 caran sînor îxlal kiriye. Li herêma Ağdam û Ağdereyê leşkerên Ermenistanê xwestine ku bikevin kozikên Azerbeycanê û ji ber vê jî şer derketiye.

Hat ragihandin ku di vî şerê şedîd de ji artêşa Ermenistanê çend leşker hatin kuştin û li ser vêya Ermenistan paşve vekişiya û ji artêşa Azerbeycanê jî 4 leşker hatin kuştin.

Rayedarên wezaretê sersaxî dan malbatên leşkerên hatine kuştin û diyar kirin ku leşkerên Azerbeycanê sînor xistine bin kontrola xwe.
Do jî di pevçûnên navbera her du hêlan de 8 leşkerên Azerbeycanê hatibûn kuştin.

Çınarın Sesi