Raya beynê Pasûr û Mûşi semedê rijnayîşî rê ameye padayene
Semedê varanê şidetînî yê ke qezaya Kulpi ya Dîyarbekirî de bi tesîr bi, rayîrê beynê Pasûr û Mûşi de rijnayîş virazîya û netîce de rayîr trafîkî rê ame padayene.
Qezaya Pasûr (Kulp) de semedê varanê şidetînî, kîlometreya 16. ya rayîrê beynê Pasûr û Mûşi de rijnayîş virazîya, coka rayîr trafîkî rê ame padayene.
Beyanatê ke Şaredarîya Pasûr ra ame dayene de ame vatene ke semedê rijnayîşî rayîr hetê Mudurîyetê Mintiqaya Rayîranê Bejayî (Karayolları) ra resayîşî rê ame padayene.
Beyanat de ame dîyarkerdene ke ekîbanê Rayîranê Bejayî reyde têkilî de yî, dima ke rayîrê rijnayeyî de xebatê lazimî ameyî kerdene, yenê pawitene ke rayîr mudeyêko kilm de reyna resayîşî rê bêro akerdene.

Türkçe karakter kullanılmayan ve büyük harflerle yazılmış yorumlar onaylanmamaktadır.