Serekê Qezayê Çermûgî yê HÜDA PARî Seyfettin Yiğit, babetê problemê binesazî û kalitedeyê bananê TOKÎyî û adirê ke cayê çöpî de veşenê ke şarê Çermûgî wextêko dergo nê inan ana ziwan de qisey kerd. Yiğit diyar kerd ke nê herdî meseleyî zî heyatê şarî xirab kenê û veng da dezgehanê berpirsiyaran ke adil çareseriyan bivîsnê.

Yiğit va ke problemê binesazî yê bananê TOKÎyî, qutbîyayîşê elektrîkî ra aweşanê kanalizasyonî ke erzîyenê teber, fiyetê teqsîtanê ke berz bîyê û kemasiyê kalitedeyê banan hemwelatiyan mexdur kenê. Serekê HÜDA PARî diyar kerd ke adirê ke her serre cayê çöpî de veşenê zî zerar danê erdanê ziraatî. Yiğit da zanayene ke semedê dûyê gırîngî ra bi taybetî domanî, kal û pîrî, nexweşê kronîkî û merdimê ke dormeyê nexweşxane û TOKÎyî de cıwîyenê xirab tesîr bîyê û veng da dezgehanê eleqedaran ke koordinasyon daxil de tedbîranê kalıcıyan bigîrê.

"Awa lebat a rögaran erzîyena zeminê tayê blokan"

Serekê HÜDA PARî Yiğit va ke ê sey Teşkilatê Qezayî her wexto ke fersend vênenê, problemê qezayî bi rayê medya sosyal û kanalanê xebaran anê rojev. Yiğit tayê problemê bingehînî yê hergûnî yê herêma TOKÎyî vana û wusa domneno: "Problemê herêma TOKÎyî, roja ke TOKÎ teslîm bîyo ra heta nika hetê hemwelatiyanê ma yê ke uca nîşennê ro, zaf fersend de ameyê vahten. Ma zî nê rojanê peyênan de bi çîçanê xo şahîdê nê probleman bîyî. Merdimê ma çi bi telefon de gerayenê çi zî ameyî teşkilatê ma yê qezayî û nê meseleyî ma de parawkerdê."

Yiğit va: "Problemo yewın, binesazî û nîzamkerdena dormeyi ser bîyo. Awa rögaran bi sefayêko weş nêerzîyena herêma xo û no semed ra problemo pîl vejîno teber. Bi taybetî wextê qutbîyayîşê elektrîkî de, çunkî awa lebat a rögarî nêşêna bêro tehliyekerdene, erzîyena zeminê blokan û etapan. No semed ra merdimê ke nê banan de nîşennê ro zaf aciz bîyê; êdî nê blokan û etapan de nîşandış û kewtiş nêbêno, hal ameyo sewiyeyêko winasî ke kes nêşêno tehamül bıkero. Nê nqtayi de lazımo ke fîrmaya eleqedar û dezgehê berpirsiyarî demêko zaf fîsk de dest bavêjên nê problemî û çareserîyêka hîja bivîsnê ke welatdaşî rehat bikerê. Babeta yewın a ke ameybî daxilê ma naya."

"Teqsîtê TOKÎyî berz ê, masrafê ke bîyê kalîteya xizmetî nêdayî nîşan"

Yiğit zafbîyayîşê teqsîtanê TOKÎyî ser de zî qisey kerd û va: "Problemo diyîn zî teqsîtan ser bîyo. Verê cû fiyetê teqsîtan nizm bîyî labelê nika tayê welatdaşan diyar kerd ke teqsîtî resayê 24 bîn lîra. Welatdaşêko ke bi meweşê asgarî idare keno, nêşêno nê fiyeti bido; no fiyet merdiman daxilê tengasiya ekonomîkî keno û mîyanê şarî de zî acizîyêka pîl vırajıno. No semed ra ma wazenî nê nqtayî de veng bidên dezgeh û berpirsiyaran ke pirsgirêkê teqsîtan safî bikerê. Ma pawenî ke dest bavêjên nê karî û hîşyarî bidênê. Ma zî sey partî bîyene ney kî, aşkerakerd ke ma do daxilê na fersendî de teqîpkarê nê karî bî."

Yiğit, problemê teknîkî û kemasiyê daxilê banan zî ard rojev û wusa va:"Ma zî şîyî daxilê banan, uca de geyrayî û ma teftîş kerd. Wexto ke ma daîreyî, pencerî, çodirî (çberî), textê erdî û bi taybetî qorixê (korkuluk) mabênê daxilî dên nîşan, ma dît ke bi raştî zî yew masraf ameyo kerdene. Labelê no masrafê ke ameyo kerdene, tewt û wextê ke şîyo, kalîteya xizmetî ya ke lazımdara, nêdaya nîşan. Nê nqtayî de, ma vênenî ke ganî yew mekanîzmayê denetîmî yê diyîn bêro nawanen ke fîrmayê ke nê banan vırazenê, bêrê denetîmkerdene. Banî verê cû ke radestê welatdaşan bêrê kerdene, ganî dezgehê denetîmî bêrê û nê karan teftîş bikerê. Heke yew kemasî an zî xirabîye esta, verê cû ke nê bêrê helkerdene, ganî banî teslîm nêbêrê gırewten; na babet de hîşyarîya ma welatdaşan û berpirsiyaran rê naya."

"Adirê cayê çöpî, hemşeriyanê ma yê ke ziraat kenê rê mexduriyetên pîl vırazenê"

Yiğit, bal ant adirê ke cayê çöp dökümî yê qezayî de veşenê an zî yenê veşayene; nê adirî pîlanîya hewayî de pîya cayanê nîşandışî de acizîyêka pîl vırazenê. Yiğit da zanayene ke no dû û boya xirabe, weşiya merdimanê ke dorme de nîşennê ro xirab keno.

Yiğit va: "Ma nika cayê çöp erşandina qezaya xo de yê. Serro giran o ke çöpê qezaya ma yenê naca erzîyenê. Yew problemo ke her serre tekrarmış bîno esto. Heke şıma bipersên no problem çiko; bi ameyîşê wextê amnanî (wextê hamnanî), çi naca de çi zî qezaya Çermûgî de bi taybetî çöpê kafe, lokanta û dukananê winasî yê ke bi adirî xebitîyenê, wexto ke erzîyenê daxilê konteyneran, adir kewno konteyneran zî. Personelê belediyeyî zî bê hîşyarî nê konteyneran anê û naca fînenê war, no semed ra zî adirî vejîyenê."

Yiğit dewamê qiseykerdena xo de wusa va: "No helbet yew hetê nê karî yo. Ney ra teber Belkî zî sedemê bînî yê ke ma nêzanî zî estê. Labelê bi taybetî çunkî nê adirî cayê çöpî ra vejîyenê, hemşeriyê ma yê ke dorme de ziraat û tarım kenê, mexduriyetêko pîl vênenê. Ancî, dûyo gıran o ke vejiyno û şıno serê cayanê nîşandışî (mehlen), problemo zaf pîl vırajıno. Kam nê qehri anceno? Bi taybetî domanê ma, kokımê (kal û pîrê) ma û hemşeriyê ma yê ke nexweşiya dinan a kronîke esta, nê meseleyî û şikayetê xo ma rê vatê."

"Nexweşxane û TOKÎyê ke verê cayê çöpî de yê, cayanê winasî yê ke dû tewr zaf tesîr keno ra yê"

Yiğit, bal ant xirabîya adirê cayê çöpî ya serê erdanê ziraatî zî û va: "Meseleya ke ma wazenî naca de bi gıranî vaji nay aya: No problem tenê bi geyrayîşê yew qisım merdiman nêbêno safîkerdene. Verê cû ganî her hemşeriyê ma bi faksî bîyo hîşyar, dıma zî ganî pêro dezgehê ma bi aqlo ortax û tedbîranê lazıman pîya bixebitîyê ke nê problemî çareser bikerê. Şıma vênenî, adirê ke naca de veşenê erdanê ekîbiyan (muleran) ê ziraatî bi temamî kerdê vîndî. No zeraro zaf pîlo û barêko gıran o. Semedê fersendêko winasî ke fîsk de reyna nêbêno, waştena ma na aya ke berpirsiyar û dezgehê eleqedarî ganî tedbîranê lazıman bigîrê."

Yiğit, semedê çareserkerdena problemî veng da berpirsiyaran û nê vatışî ardî ziwan:"No cayê çöpî, dı gırê bınê herêma ke ma vanî Koyê Heykelî (Koyê Sînanî) de yo. No semed ra, naca herêmêka berze ya û adirê ke naca de veşenê, dûyê xo bi temamî fîneno serê qezayî û her kesî aciz keno. Bi taybetî nexweşxaneyê ma yê neweyi ke naca rê zaf nezg o û banê TOKÎyî zî nê herêmî de yê; nê semed ra hemwelatiyê ma yê uca nîşennê ro nêşênî penceranê xo akerê. Merdimê ma nêşênî bivejîyê baxçeyê sîteyanê xo û rehat bikerê. Bi taybetî wexto ke wa (ba) fû keno, dû bi temamî herêma inan gêno mîyanê xo û merdimî nêşênî rehat nefes bigîrê. No hal zî nexweşîyêka gırane vırajıno. No semed ra, nê problemî rê ganî demêko zaf fîsk de çareserîyêk bêro vîsnayene; qet nêbê de semedê dıma reyna nêbîyene, ganî dezgehê eleqedarî bêrê naca û tedbîranê lazıman bıkırê hewte."