Qezay Çermûg yê Diyarbekir de Çemê Sinekî yo ke hem çımeyê awe xoşî yo u hem zî sey yew cayê seyranî yeno şuxulnayene, dorme ra qirêjîya ci baisê reaksiyonan biyo. Serokê Hûda Parî yê Etsofê Çermûgî Seyfettîn Yîgîtî ke herême de têkoşîn u tadayîşî kerdî, da zanayene ke pawitişê dorme tenê erkê da edareyanê desgalan niyo, belkî erkê pêro civate yo.

Yîgîtî ard ziwan ke seba ke pey seyranî qorçikî (çöpî) nêşawiyenê qonteyneran, herême de yew qirêjîya giran a dorme vıraziyaya, u da zanayene ke caverdoxê şûşeyan u her tewir pîsan cayê ke depoyê awe xoşî tede yo, hem baisê qirêjîya dîmenî beno hem zî seba tenduristîye rîskan vezeno.

"Çemê Sinekî qandê etsofê ma yew dejerêko muhîm o"

Yîgîtî da zanayene ke Çemê Sinekî qandê Çermûgî wayirê yew giranîya girewe yo u vat: "Ma Çemê Sinekî yo ke yew çemê ma yo muhîm o u depoya ke ma sey awe xoşî şuxulnenê, ê ver de yê.".

"No çemê muhîm o ke Hevsaya Fıratî ra heta tiya derg beno, hemşehriyê ma yê Çermûgî hem seba ziraetî fayde ra gênê hem zî sey awe xoşî istifade kenê. Ancênî hem etsofê ma ra hem zî teber ra kesî yenê tiya ke hênik bibê u seyran kenê. Qandê înan zî tiya babi yo yew cayê seyranî yo muhîm." vat.

"Qirêjîya dorme çımeyê awe xoşî tehdit keno"

Yîgîtî ard ziwan ke seba ke pey seyranî qorçikî (çöpî) nêşawiyenê qonteyneran, herême de yew qirêjîya giran a dorme vıraziyaya u vat: "Reyisîya dorme ya ke tiya ameya kerdene u baxçeyê çayî u tesisê ke esnafê ma vıraştê, nê ganiyo muhîm ê. O taw ke ma ameyî tiya, ma rastê tay dîmenan ameyî ke qet xoşê ma nê şi, xelkê ma zî tewr zêde reaksiyon da inan rê. Hemşehriyê ma yê ke teber ra yenê u xelkê ma yo ke tiya yo, yenê tiya wext ravêrenê, belayê ma ra qorçikê nê werd u nê tûtiya xo nêşawenê qonteyneranê ke estê, wina caverdê çep u raşt u yew dîmenê qirêj vezenê miyan. Tiya serê o ca yo ke şi ser o sey awe xoşî şino etsofî. Şûşeyê ke tiya estê u qorçikî ma rahet nêverdênê. Qorçikê ke tiya estê, problemanê tenduristîye zî tewr xo danê hên." vat.

"Pêro kesî ganî mesulîyê xo bîyarê ca"

Yîgîtî bala ant ser ke pawitişê dorme yew erko mıştırek o, da zanayene ke serê verî welatî, dezgehê sivîlî yê komelî (STK) u edareyê xasekî ganî pêro pîya têgêrê.

Yîgîtî vat: "Tiya ra tewr zêde nê çî vajî: No kar tenê karê yew qısmo muayyen niyo. Verî sey yew şexsî pêro hemşehriyê ma, sey komelî pêro dezgehê sivîlî yê komelî u sey resmî zî pêro edareyê ma yê resmî ganî seba ke ma yew dorme u muhîtê pak vırazê, her kes mesulîyê xo bîyaro ca, waştîşê ma no yo. Ma ke nê dîmenî tiya dîyî, sey Cenapê Ciwanan ê HÜDA PARî ameyî tiya qorçikî pak kerdî u hedef kenê ke yew muhîtê weş vırazê. Ma no erk bîya ca. Ena ra dima zî ma vanê ke ma na nuqte de prosesî taqîp kenê. Ma arzu kenê ke pêro welatriyê ma zî mesulîyê xo bîyarê ca."