Hat ragihandin dayikeke din beşdarî wê çalakîya ku ji teref dê û bavên ku zarokên wan ji teref PKKê ve hatine revandin li serê çiyê ve hatibû destpêkirin bû, bi vî awayî hejmara malbatên ku beşdarî çalakîyê bûn derket 24an.
Dayika bi navê Nîhan Çîçek a ku beşdarî çalakîyê bû derbarê mijarê de diyar kir, qîza wê Altun Çîçek di sala 2014an de ji teref dotmamên xwe ve hat xapandin û ew ji çoltera Licê hat birin çiyê.
Dayika dilbikûl di berdewama axavtina xwe de diyar kir dema ku qîza wê hat birin li serê çiyê qîza wê 19 salî bû.
“Ew kesên ku qîza min revandin li Diyarbekirê li gorî dilê xwe digerin”
Nîhan Çîçek di berdewama axavtina xwe de ji roja ku qîza wê hatiye revandin vir ve ew li qîza xwe digere û dû re wiha li axavtina xwe zêde kir: “Ji sala 2014an vir ve qîza min winda bûye.Ev bû 5 sal ku ez li qîza xwe digerim. Ji roja ku çûye ve çav û guhên min li derîyê malê ne, ez dibêm qey ew ê were. Dema ku hat revandin 19 salî bû. Piştî ku hat revandin, bi telefonê li min gerîyan. Qîza min birîndar bûbû. Deam ku qîza min hat revandin bi dergistî bû. Ew kesên ku qîza min revandin li Diyarbekirê li gorî dilê xwe digerin. Qîza min çû xestê û nema hat. Min serî li temamê mercîan da. Heta ku qîza were ez ê li vê derê beşdarî vê çalakîyê bibim.”
ÎLKHA