Bûyer berî vê 2 rojan li Kesnezana navçeya Hewlêrê pêk hat.
Li gorî agahîyên ku hatine wergirtin 3 zarok û dê û bavê wan ên ku ji Kurdistana Sûrîyê koçî Kurdistana Iraqê kiribûn li mala xwe ya li gundê Pirreşa Kesnezanê mirî hatin dîtin.
Cîranên malbata ku hat qetilkirin destnîşan kirin; ew di halê xwe de û ti zirara wan ji ti kesî re tunebû.
Di encama lêpirsîna ku ji teref asayîşa Hewlêrê ve hat destpêkirin de kesekî ku tê diyarkirin têkilîya wî bi bûyerê re heye hat qefaltin.
Di daxuyanîya ku ji teref asayîşê ve hat belavkirin de hat diyarkirin, endamên malbatê bi çekê hatine qetilkirin. Li gorî daxuyanîya ku hatiye belavkirin navên kesên ku hatine qetilkirin wisa ye: Bav Besam Huseyin Resul, dê Solîn Muhammed Nezîr û zarokên wan ên bi navê Huseyîn (11), Ruşka (7) û Muhammed (5).
ÎLKHA